ᑐᓴᒐᒃᓴᑦ

ᖁᕕᐊᓲᑎᒋᓗᒍ ᐃᓄᒃᑐᑦ ᐅᖃᐅᓯᓕᕆᓂᕐᒧᑦ ᑕᖅᑭᖅ, ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐊᒻᒪ ᓄᓇᕗᒻᒥ ᓯᓚᑦᑐᖅᓴᕐᕕᖕᒥᐅᑦ ᐅᐱᒍᓱᒃᖢᑎᒃ ᑐᓴᖅᑎᑦᑎᔪᒪᕗᑦ ᓴᖅᑭᑕᐅᓂᖓᓂᒃ ᐃᓄᒃᑐᑦ ᑎᑎᕋᕐᓂᕐᒧᑦ ᐊᑐᕆᐊᓖᑦ. ᐅᓇ ᓇᐃᖦᖢᓂ ᑐᑭᒧᐊᒍᑎ ᐃᓄᒃᑐᑦ (ᐃᓄᒃᑎᑐᑦ ᐊᒻᒪ ᐃᓄᐃᓐᓇᖅᑐᓐ) ᑎᑎᕋᐅᓯᕐᓂᒃ.

ᒫᓐᓇᐅᔪᖅ ᑕᓪᓕᒪᓂᒃ ᓄᑖᓂᒃ ᑲᑎᒪᔨᒃᓴᓂᒃ ᑎᒃᑯᐊᕐᑕᐅᔪᖃᓚᐅᕐᑐᖅ ᑖᒃᑯᐊᓗ ᒪᕐᕉ ᓱᓕ ᐊᕐᕌᒍᓂᒃ ᒪᕐᕉᖕᓂᒃ ᐊᑕᓂᐊᕐᑐᑦ. ᑕᓪᓕᒪᐅᓚᐅᕐᑐᑦ ᑲᑎᒪᔩ, ᒪᕐᕈᒃᑲᓐᓃᓂᒃ ᑲᑎᒪᔨᐅᓂᐊᕐᑐᓂᒃ ᐃᓚᔪᒪᓚᐅᕐᒪᑕ ᒪᓕᒐᓕᐅᕐᑎᒃᑯᓐᓄᑦ. ᑐᒃᓯᕋᐅᑕᐅᓚᐅᑐ ᐊᖏᖅᑕᐅᓚᐅᕐᒪᑦ ᒪᓕᒐᓕᐅᕐᕕᖕᒥᑦ, ᑕᐃᒪᓕ ᒫᓐᓇ 7−ᖑᓕᕐᑐᖅ ᑲᑎᒪᔩᑦ.

ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᓂᕈᐊᒐᓴᙳᖅᑎᑦᑎᓂᕐᒧᑦ ᒪᑐᐃᖓᓕᖅᑎᑦᑎᕗᑦ ᐃᓄᐃᑦ ᐅᖃᐅᓯᖓᓐᓂᒃ ᓴᖅᑭᔮᖅᑎᑦᑎᓂᕐᒧᑦ ᐃᓕᓴᕆᔭᐅᔾᔪᑎᒧᑦ.